मुसुमुसु हाँस्छे आँखा सन्काई काली 

लटरम्म पाक्या रैछ बैशको बाली 

भाउ खोज्या होकी दाउ कुरी बस्या

चारै तिर हेर्छे नजर फाली फाली 

नाखरा नि पार्छे छिल्लिएर बस्छे 

हाँसी हाँसी गर्छे मरेस भनि गाली 

ज्यानमारा चाल मन थुन्ने पासो 

तै पासोमा पर्छु भए दिल खाली 

कतै गोरी काली कतै अग्ली होची 

अझै छैन कोइ रित्तै मेरो डाली 

नाई नाई भन्दै हुन्छ जस्तो गर्छे 

बज्छ कित मेरो पिरतिको ताली 

भन्न थाली सके काठ पस्या मुला

झ्याइ पार्नु पर्छ अब यसै पाली