तिम्रो यादमा बग्दा आँसु नि प्यारो लाग्दो रैछ
दुखे पनि मुटुमै छ्यौ झिक्न गारो लाग्दो रैछ

मनै चुहियो मुटुबाट टाल्न सकिन छाती
बिझे पछि बाचा नि आँखको छारो लाग्दो रैछ

घातको छालले भरोसामा सुनामी लेरायो
डुबेर बाँच्दा जिबन नै अध्यारो लाग्दो रैछ

निसाना ताक या चलाऊ गोली घाइते भै सके
तिमीलाई सधैं मेरै छाती तारो लाग्दो रैछ

लिनु दिनुको हिसाब राखीन तिर्नु कसरी
तिमी सँगका हर पल उधारो लाग्दो रैछ

आज भोली हरेक रात आँसुले धुन थालेको छु
होश दुख्छ र त मदिराका प्याला छुन थालेको छु

अनुरागमा दाग थियो या घात मेरो भाग थियो
समाधान नपाएर आँफै प्रश्न हुन थालेको छु

शुभकामना कुशल मंगल तेस्तै भो यो जुनीमा
आफ्नै मृत्‍युमा बजाउने शोकको धून थालेको छु

बिचलन भ'का बिचारमा सन्तुलन हुन्छ कहाँ
गल्ली गल्ली बेबारिस मन्को बह फुन थालेको छु

बदनाम छु गुमनाम थिए चर्चाको शिखर चडे
मायाको उप्लब्धी हो कि मन्थन पून थालेको छु