अरुको भए आँसु हुन्थ्यो मेरो चाँही पानी भो रे
लुटने तिमी लुटिने म फेरि तिम्रै हानी भो रे

तिमी नै थियौ एक, मेरो लागि हजारौ लाखमा
आँखा छल्छयौ तिमी फेरि मेरै मनमानी भो रे

टोली पिच्छे लोली मिलाई के के लेनदेन गर्‍यौ
इमान बाँकी कहाँ तिम्रो फेरि बदनामी भो रे

निर्दयीताले सिमा नाघेछ ,मायाको के कुरा
सुन्छु अचेल मुटु रेटने अर्को बानी भो रे

संसारै यस्तो लेखाजोखा कस्ले राख्छ र यहाँ
दान थ्यो कि ज्यान बिष दिने पनि दानी भो रे