मनै त हो मेरो पनि सधैं कहाँ सादु हुन सक्छु
नाआउ एकान्तमा कहिले कसो बेकाबु हुन सक्छु

तिम्रा चन्चल नयनहरुले जब जब गिजाउछन
तिम्रो महक पबनहरुले जहाँ जहाँ फिजाउछन
बहकिएर मदहोशिमा मेरो होशै उडाउन नि सक्छ
देउता होइन आखिर म धर्य डगमगाउन सक्छ

मुटु नै हो मेरो पनि कसै सामु धडकिन सक्छ
नपोख लजालु मुस्कान दिल भित्र अडकिन सक्छ

तिम्रा रसिला ओठहरुले जब जब गुनगुनाउछन
मन भित्र कता कता बैशका माद भुन्भुनाउछन
न झिम्काउ आँखा नशा नशामा चाप बढन सक्छ
पिउनै कहाँ पर्छ नपिउदा पनि माद चढन सक्छ