हुने भए सारा संसार तिमीलाई नै दिन्थेँ म
तिम्रो लागि बेचिएरै सारा खुसी किन्थेँ म
भएर सधैँ रक्षक म वरिपरि रही तिम्रै
तिमी सामु आई पर्ने अड्चन बाधा छिन्थेँ म
कहिले कतै चित्त दुखी झरी हालेछ भने नि
मोती सरी जतन गरी सबै आँसु लिन्थेँ म
तिम्रो हुन नसके नि अझै मौका पाए भने
भात्किएका तिम्रा मन जगै देखि चिन्थेँ म
सुकोमल तिम्रा रूपमा दाग लाग्न न दिन बरु
फुल माथि तिम्लाई राखी काँडा माथि हिन्थेँ म