तिमीले जस्तो कालोलाई सेतो भन्न जानिन मैले
आत्मा बन्धकी राख भन्नेका कुरा मानिन मैले

स्वाभिमानको मोल के था इमान बेच्नेहरुलाई
चोर बजारका नक्कली मान शान छानिन मैले

बिना बिधी बिधान, कस्तो पूजाको उपसना गर्नु
शाधक फटाह थे आफुलाई योग्य ठानिन मैले

जलपमा चम्किदैमा सबै पहेलो सुन हुँदैन
जानाजानी पित्तललाई सुन भनी तानिन मैले

जन्दिन भन्थ्यौ लप्पन छप्पन खेल खेल्नलाई
तिमीले जस्तै फेरि मौकामा चौका हानिन मैले

तिमीले मुटु यो पढिदेकी भए,म यसरी मेटिने थीइन
पूजामा हुन्थे शायद आज ,मदसालामा भेटिने थीइन

उधारिए या उध्रिए म आँफै ,जे भए नि म नाङिएको छु
सीईदेको भए बेलैमा यो लाज,निर्लज्ज भै हेपिने थीइन

तिम्रो दिलको गहिराइमा के थियो कुन्नी दैबै जानुन
ढुङ्गा मुडा देख्या भए आज यसरी म चेपिने थीइन