तिम्रो यादमा बग्ने आँसु नि प्यारो लाग्छ निष्ठुरी
दुखे पनि मुटुमै छ्यौ झिक्न गार्हो लाग्छ निष्ठुरी

मुटु मेरो धडकन तिम्रो यसरी नै चलोस भन्थ्यौ
तिमीले साटेका बाचा सबै छारो लाग्छ निष्ठुरी

के दिन राती चर्किन्छ छाती देख्छ र कस्ले घाऊ
तिमी बिनाको जिन्दगी नै अध्यारो लाग्छ निष्ठुरी

तिम्रो मायामा धार थियो कि टुक्रा टुक्रा भयो मन
त्यसैले माया हाँसी हाँसी चिर्ने आरो लाग्छ निष्ठुरी