तिमी जस्तै मैले पनि आसुँ बेच्न मान्या भए
टुक्रा पारी हजार तिर मुटु छर्न जान्या भए
दु:खी दु:खी किन बाँच्न पर्थ्यो लाश जिन्दगी
डुब्न लाग्दा माँझधारमा यो हात तान्या भए
ढुकढुकी सुन्छु भन्ने थिएनौ शायद तिमी
बिना मुटु धडकन हुन्न भन्ने ठान्या भए
जता चल्छ मिठो बास्ना उतै गयौ छाडी किन
मखमलि माया दिन्थे कोमल यो मन छान्या भए
पर्दा पछाडिको मान्छे
नाफा नोक्सानको हिसावमा तल्लिन
भद्र ब्यापारी
ब्यापार गर्छ केही थान
बेतुकका शब्दहरु
अनुकुल र प्रतिकुलको
अंक गणित
खोइ कुन हो सुत्रको
समायोजनमा
मिलान गर्छ
अनौठो समिकरणको
हिसाबहरु
अचेलको बजार न हो
बेचिन्छन बिचरा शब्दहरु
बिज्ञापनमा जलप लेपन गरेर
दरिद्र मनसिकता
भोको रहर
नागो आदर्श
सब बेचिन्छन सालीन लयमा
बस बेच्न जान्न पर्दो रहेछ
र उ जान्दछ
साहित्य भनेर शब्दहरु बेच्न
उ जान्दछ शब्दको ब्यापार बढाउन
उ जान्दछ अनुकुलका ब्यापारी खटाउन
र त
अचेल
मिठा शब्दहरु
कतै नेपथ्यमा बसी
तेही बेतुक शब्दको
अभिनयलाई
युगको आवाज
भन्दै
चुपचाप बसिरहेछन
र पर्दा पछाडिको मान्छे
निर्बाध शब्द बेची रहेछ
अरु त गज्जब छ
बान्की परेका खदिला
चोटिला हुन पर्ने हो कविता
माधुर्यता र सुकोमल भएर बहनु पर्ने हो
बिम्बले नै कविता बोल्नु पर्ने हो
कुन्ठा र आक्रोश मात्र अलि बढि भाको हो
नत्र साथी
अरु त गज्जब छ
केही लय बिचलन भएका हुन
बर्ण बिन्यास अलि अल्मल्लिए छ्न
च्याठिए पनि अकमक्किए पनि
श्रुती मादुर्यताको कमी मात्र भको हो
अरु त गज्जब छ
भाव बिनाको भावना जस्तो
चेत बिनाको चेतना जस्तो
बिना साधनाको कल्पशिल्प
अलि ठाडो र रुखो मात्र भको हो
अरु त गज्जब छ
हो साथी
नारा रिस गाली गलौज
कामुकता अश्लीलता
स्तुतीगान चाकरी
अचेल यिनै त कविता हुन
तिमीले पनि यसैलाई अनुसरण गरेछौ
अरु त गज्जब छ
आफ्नो मौलिकता
आफ्नै कला र सस्कृति
अनुपम अदभुत प्रकृति
झरनाको धून पंक्षिको संगीत
मानवताको सुबाश
ममताको मिठास
यस्तै कुराको कमी मात्र हो
अरु त गज्जब छ
बिचारमा नबिनता
प्रस्तुतिमा सालीनता
प्रेममा ममता
माटोमा सुगन्धत्ता
मनवतामा भद्रता
तिम्रो कवितामा यस्तै कुराको कमी मात्र हो
नत्र
अरु त गज्जब छ
मुलायम श्पर्शले
मनको कुना काप्चा न छोको मात्र हो
कविताको अत्माले आङ सिरिङ्ग न परेको मात्र हो
नत्र
अरु त गज्जब छ
मनले खोजेको खुशी
सुट्टुक्क बोकेर
उत्साहका ऊर्जाहरु
नशा नशामा छर्दै
नयाँ वर्षको यो आगमनमा
तिम्रा हर यात्रा भरी
शुभपलहरु मुस्कुराइरहुन
जसरी तिम्रो सालीन मुस्कानमा
उत्प्रेरणाका आभाहरु छरिएका हुन्छन
मनले आँटेका कुराहरु
मिठो संगीत जस्तै
लयबद्द भएर
गुन्जियोस एउटा सुगम धून
जसरी तिम्रो मधुर बोलीमा
मिठासका सरगम मिसिएका हुन्छन
सुन्दर बिहानी लिएर
झुल्कने घामको लालिमा जस्तो
अलौकिक तेजस्वी सौन्दर्यमा
दुनियाँ तिम्रो
रूप ,गुण र आदर्शको उपमा खोजोस
जसरी तिम्रा सादगीमा
अठोट आत्माबलका झिल्काहरु चम्किएका हुन्छन
र म नयाँ वर्ष
तिमी जस्तै
मगमगायोस भन्छु
मेरा मनका बागहरुमा
