पर्दा पछाडिको मान्छे 

नाफा नोक्सानको हिसावमा तल्लिन 

भद्र ब्यापारी 

ब्यापार गर्छ केही थान 

बेतुकका शब्दहरु 

अनुकुल र प्रतिकुलको 

अंक गणित 

खोइ कुन हो सुत्रको 

समायोजनमा 

मिलान गर्छ 

अनौठो समिकरणको 

हिसाबहरु 

अचेलको बजार न हो 

बेचिन्छन बिचरा शब्दहरु 

बिज्ञापनमा जलप लेपन गरेर 

दरिद्र मनसिकता 

भोको रहर 

नागो आदर्श 

सब बेचिन्छन सालीन लयमा 

बस बेच्न जान्न पर्दो रहेछ 

र उ जान्दछ  

साहित्य भनेर शब्दहरु बेच्न 

उ जान्दछ शब्दको ब्यापार बढाउन 

उ जान्दछ अनुकुलका ब्यापारी खटाउन 

र त 

अचेल 

मिठा शब्दहरु 

कतै नेपथ्यमा बसी 

तेही बेतुक शब्दको 

अभिनयलाई 

युगको आवाज 

भन्दै 

चुपचाप बसिरहेछन 

र पर्दा पछाडिको मान्छे 

निर्बाध शब्द बेची रहेछ