मधुरो प्रकाशमा लजालु मुस्कानको बातै मिठो
मायालुले भर्दिएको मदिरा भए अझ मातै मिठो

गीतको सगीतमा धेरै रमाएका होलान यहाँ
सगीतको झन्कार भन्दा चुरा बजेको हातै मिठो

ओतिनु नै किन पर्छ सिमसिमे पानी परेको बेला
आधा भिजे पनि मायालुले ओढाएको छातै मिठो

उपहारको रुप हुन्न ,माया मिसाएर दिए पछी
बेली चमेलिको के कुरा,श्रदाले चुमेको पातै मिठो

भाबमा कल्पी टोलाउनु भन्दा जिबनको यात्रामा
मायालु सँग मन साटन पाए आहा! रातै मिठो