सुन पानी छर्केर आए भन्यौ नकार्न नि सकिन
नजिक पर्दा अर्कै गन्ध आयो सकार्न नि सकिन

मनको मान चित्रमा साँध सिमाना कोरेर गयौ
अर्कै झन्डा थियो ,कानून मिची खकार्न नि सकिन

मुटु भरी दुख्यौ तिमी,अधमेरो बाँचे मरेर
मनको तुष झारेर दुनियाँ चकार्न नि सकिन

हतारमा निली फुर्सदमा पछुताइ के हुनथ्यो
घाँटी सम्म आएको अमिलो डाँकार्न नि सकिन

मैलिएर कताकता फैलियौ,उज्यालोमा टिकिनौ
आखिरीमा समर्पण देखायौ ,हकार्न नि सकिन