न छ कुनै साँध सिमाना हामी बिचको यो नातामा
न लेखियो माया हिसाब गरि यो बही खातामा

पराइ थियो आफ्नो भयो मनको दुरी मेटिए पछि
दिलमा बस्छ फेरि उही आफ्नोपन भेटिए पछि
न सकियो रोक्न बाँधी. उडिजाने यो मनलाई
कति छ बाधा. न सकियो फुकाउन जीवनलाई

कल्पनामा उनिएका आकांक्षाका लहरमा
उस्कै यादमा घेरिन्छु हर पल हर प्रहरमा  
न सक्छु नाघी जान यो समाजको ति परीधि
न सक्छु रोक्न दिलको यो निर्दोष गतिबिधि