झुण्ड झुण्ड कहाँबाट आयो हाटमा टाउको
मौकाछोपी चौका हान्न सबै ताकमा दाउको

माटोको बाटो,आस्थाको पाटो चसक्क दुखे
मन्द बुध्दी बन्द आँखा,देखेन बुटी घाउको

जालझेलको खेल खुशी हो कि उर्ले भेल
जाल बुनी शिकार गर्छ रे माकुरो माउको

धेरै छन यात्री ,लामो छ यात्रा डुब्न लाग्यो
तर्नु छ पारी किनारा,को टाल्छ दूलो नाउको

मन बचन र कर्मले निस्वार्थ गर्ने भन्थे
नि:सुल्क सेबामा मिलेन अरे कुरा भाउको