मन्मै छिरी सक्यौ तिमी,खोली छाती हेर्न पर्छ र
तिमी दुख्दा काटछ् मुटु,आँसु नत्र कहाँ झर्छ र

शंका उपशंका के के हुर्के होलान मन भरी
थामेर राख भरोसा,चोखो माया कहाँ मर्छ र

बेली चमेलिको जस्तो सुगन्ध बोकेर झुलुला
नखुदे मन बाँझो पारी,रोप्दा माया फेरी सर्छ र

छुरा जस्तो कुरा चले,मायाको बैरी जलुन जले
छामी सके छि मुटुले मुटु प्रभा कस्ले गर्छ र

अल्झिए बल्झिन्छ अतित,मुटु भित्र राख्छु बरु
टिल्पिलाएर नबग आँसुले कही घाँउ भर्छ र