दु:खमा बगे नि खुशीको भने आँसुको रंग थिएन
उधारोमा हाँसे चर्केथ्यो मुटु खुशी म संग थिएन

ढुकढुकी र मुटुको समायोजन भो भन ठानेथे
धडकनै खोस्यौ मुटु चलेर के भो उमंग थिएन

छेपारोको रंग चढेन चेपारोको शिप नि थिएन
मनको बोल्नु गल्ती थियो कि बोलिमा ढंग थिएन

घात प्रतिघातको शिखर चढन नैतीकताले छेक्यो
बिबेक बन्धकिमा राख भन्यौ स्वाभिमान दंग थिएन

आगो र पानीको काहानी शुरुवात बिनै अन्त हुन्छ
होशमा छु आगो छुन मनको तरंग भंग थिएन