चर्की चर्की छाती दुखे नि तिमी सँग रिसाको छैन
चाखी हेर चिनी भनेर नून कतै मिसाको छैन

मन दिदा घाऊ दियौ कि? सोची हेर पुराना पल
भारी जति भए पनि ती, याद मैले बिसाको छैन

मुटु घोच्छ अतित पोल्छ जिउदै म मरितुल्य छु
बिझे पनि मायालाई त्यो,काडाँ भनि घिसाको छैन

निभेको हो या निभाको हो बेमानी त्यो चलेर हुरी
बल्छ की त फेरि भनेर मन्को चुलो चिसाको छैन

न पोखेर सकियो माया आँखाबाट तिम्रा यादमा
ढोका खुलै छ आउ मनबाट माया पिसाको छैन