एक चिम्टी सिन्दुर के छरेयौ दासी भन्छ्यौ
धित मर्यो शायद तेसैले त बासी भन्छ्यौ

शंका भए मनमा लंका रोकिन्न कसै गरि
अझै छ्यौ मुटु भरी फेरि माया मासी भन्छ्यौ

दुख्दा पल पल म,हाँस्छ्यौ तिमी हर पल
हद तिमी नाघ्छ्यौ मैले माया नासी भन्छ्यौ

बुहार्तन कस्तो यो खोटो तिमी खोट मेरो रे
छल छाम थिएन अरु सँग हाँसी भन्छ्यौ

पशु हुँ कि कैदी म,परिभाषा तिम्रो के जानु ?
बोल्यो कि कोही सित अन्तै नाता गाँसी भन्छ्यौ