मन्दिर पनि तिमी मेरो तिर्थ धाम पनि तिमी 

तिमी सँगै शान्ती मिल्छ मेरो राम पनि तिमी 

खुदा प्रभू देउता देखावामा जति जपे पनि 

मेरो अन्तर मनले जप्ने नाम पनि तिमी 

कठ्याङ्रिदा यो मन स्नेहले बेर्दै बेर्दै फेरि           

मलाई आनन्दको न्यानो दिने घाम पनि तिमी 

यो घरतीमा कस्ले देखेको छ र स्वर्गलाई 

मेरो त गाम बस्ती र स्वर्गको ठाम पनि तिमी 

शब्दले के ढकिन्थ्यो र लेख्नु प्रेम पत्र माया 

चुमेर नि नलेखेको चिट्ठीको खाम पनि तिमी